«Յունայթեդը» կրկնեց 1990թ-ի անհաջողությունը

«Մանչեսթեր Յունայթեդը» Անգլիայի առաջնության 13-րդ տուրում ոչ-ոքի` 1:1 հաշվով է ավարտել հանդիպումը «Վեսթ Հեմի» հետ: Արդյունքում մանկունիացիները 1990թ-ի փետրվարից ի վեր առաջին անգամ չեն կարողանում սեփական խաղադաշտում հաղթել 4 խաղ անընդմեջ:

Ավելի վաղ «Յունայթեդը» միավոր էր կիսել «Սթոք Սիթիի» (1:1), «Բյորնլիի» (0:0) և «Արսենալի» (1:1) հետ:

Մոուրինյուի թիմը վերջին անգամ տնային խաղում հաղթել է սեպտեմբերի 24-ին. Անգլիայի առաջնության 6-րդ տուրում «Լեսթերի» դեմ դիմակայությունում (4:1):

Անգլիայի առաջնության 13 տուրերից հետո «Յունայթեդը» 20 միավորով մրցաշարային աղյուսակի 6-րդ տեղում է: