«Մինչև հիմա չի կարողանում համակերպվել, որ հեռացել եմ» Գաբին՝ իր ու «չմշկորդ Լևոն»-ի բաժանության լուրերի մասին (լուսանկարներ)

Համացանցում լուրեր են տարածվել այն մասին, որ Երևանում «չմշկորդ Լևոն» անվամբ հայտնի Լևոն Աբգարյանը և նրա կինը՝ Գաբին, ամուսնալուծվել են: Հիշեցնենք, որ նրանք ամուսնացել էին անցած տարի: Ամռանը ծնվեց նրանց դուստրը, ում անվանակոչել են Ծիրանե: Նրանք հայտնի էին որպես օրինակելի զույգ:

Գաբին Լևոնից փոքր էր 37 տարով:

ԼՈւՐԵՐ.com-ի թղթակցի հետ զրույցում Գաբին հաստատեց իրենց ամուսնալուծության լուրի իսկությունը:

«Լևոնն ինքն էր ինձ բոլորին ներկայացրել և հպարտանում էր այն փաստով,որ ես իր կինն եմ, ինչ-որ բան ասելուց առաջ թող հետ գնա ու լավ հիշի (Խմբ.- հարցազրույցների մեկում Լևոն Աբգարյանն ասել է, թե Գաբին երբևէ իր կինը չի եղել): Նույնիսկ ապացուցելու կարիք չկա, եթե ինքն իրեն հակասում է, դա իր խնդիրն է: Մենք ոչ մի վայրկյան պարտադրված միասին չենք ապրել, ուղղակի մինչև հիմա չի կարողանում համակերպվել, որ հեռացել եմ»,- ասաց Գաբին:

Գաբիի խոսքով իրենք շուրջ երկու տարի միասին են ապրել և միմյանց ամուսիններ են համարել, թեպետ ամուսնությունը ԶԱԳՍ-ով հաստատված չի եղել. «Սկզբում չէր ուզում, բայց երբ երկնքից երկիր իջավ, արդեն ես չուզեցի: Մենք առանց ԶԱԳՍ-ի էլ երջանիկ ենք եղել»,- ասաց նա:

Սոնա Հարությունյան