«Սևան» ՔԿՀ-ից փախչել փորձած դատապարտյալը ավազակության հոդվածով է դատապարտված

Ինչպես արդեն տեղեկացրել էինք, այսօր «Սևան» քրեակատարողական հիմնարկից մի դատապարտյալ փախուստի փորձ է կատարել: Դատապարտյալ Վ. Կ-ն փորձել տեղավորվել «ԳԱԶԵԼ» մակնիշի հացի ավտոմեքենայի թափքի մասում և այդ կերպ դուրս պրծնել բանտի տարածքից: 

ԼՈւՐԵՐ.com-ի թղթակցի հետ զրույցում ՀՀ ԱՆ քրեակատարողական վարչության հանրային կապերի բաժնի պետ Գոռ Ղլեչյանն ասաց, որ փախչել փորձող դատապարտյալը պատիժը կրում է Քրեական օրենսգրքի 175 հոդվածի 2-րդ մասի 1/3 կետերով՝ «ավազակությունը, որը կատարվել է մի խումբ անձանց կողմից նախնական համաձայնությամբ բնակարան, պահեստարան կամ շինություն ապօրինի մուտք գործելով»:

Պատժվում է ազատազրկմամբ՝ 6-10 տարի ժամկետով՝ գույքի բռնագրավմամբ, կամ առանց դրա:

Մեզ տեղեկացրին, որ կատարվում է հետաքննություն: