Դատախազի ցուցումով «Մարալիկի մանկապատանեկան մարզադպրոց» ՊՈԱԿ-ի տնօրենը ձերբակալվել է

ՀՀ Շիրակի մարզի «Մարալիկի մանկապատանեկան մարզադպրոց» ՊՈԱԿ-ի տնօրենի կողմից յուրացման եղանակով հափշտակություն կատարելու փաստով 2016թ. նոյեմբերի 25-ին հարուցված քրեական գործի նախաքննությամբ պարզվել է, որ վերջինս, հանդիսանալով պաշտոնատար անձ և օգտագործելով պաշտոնեական դիրքը, կազմակերպության հաստիքացուցակով նախատեսված հունահռոմեական ըմբշամարտի մարզչի պաշտոնին ձևականորեն ձևակերպել է իրեն և, 2013 թվականի hունվարի 1-ից մինչև 2016 թվականի նոյեմբերի 1-ն ընկած ժամանակահատվածում, փաստացի չիրականացնելով մարզչի գործառույթներ, նույն ժամանակահատվածի համար իր անվամբ ելքագրել ու ստացել է աշխատավարձ՝ ընդհանուր 1 մլն 631 հազար 566 ՀՀ դրամի չափով, որը յուրացրել է:

Բացի այդ, 2013-2016 թվականների ընթացքում կազմակերպության հաստիքացուցակով նախատեսված ազատ ոճի ըմբշամարտի և ֆուտբոլի խմբակի մարզիչների թափուր պաշտոններին ձևականորեն նշանակել են տարբեր անձանց, ստացել վերջիններիս անվամբ ելքագրված աշխատավարձերը՝ համապատասխանաբար 1 մլն 692 հազար 610 և 2 մլն 248 հազար 680 ՀՀ դրամի չափով՝ յուրացման եղանակով հափշտակելով առանձնապես խոշոր չափերով 3 մլն 941 հազար 290 ՀՀ դրամ գումարը:

Ինչպես տեղեկացրին ՀՀ դատախազության հանրային կապերի բաժնից, քրեական գործով դատավարական ղեկ ավարում իրականացնող դատախազի ցուցումով վերը նկարագրված հանցավոր արարքները կատարելու մեջ անմիջականորեն ծագած կասկածանքի հիման վրա.2017 թվականի հունվարի 30-ին Է. Բ.-ն ձերբակալվել է:
Քրեական գործով նախաքննությունը շարունակվում է: