Հանրապետության մի շարք ավտոճանապարհներին ձյուն է տեղում

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հունվարի 31-ին' ժամը 19:30-ի դրությամբ, սաստիկ բքի և ցածր տեսանելիության պատճառով դժվարանցանելի է Վարդենյաց լեռնանցքը:

Արարատի, Արտաշատի, Մասիսի, Վայքի, Եղեգնաձորի, Մեղրու, Ճանբարակի, Դիլիջանի, Ախուրյանի, Մարալիկի, Վանաձորի, Թումանյանի, Ստեփանավանի, Մարտունու, Տաշիրի, Էջմիածնի, Աշտարակի, Կոտայքի, Նոյեմբերյանի, Հրազդանի,
Թալինի, Տավուշի, Արմավիրի, Գորիսի, Սիսիանի, Ապարանի և Սևանի ավտոճանապարհներին ձյուն է տեղում:

Արթիկ-Ալագյազ ճանապարհահատվածում բուք է:

Գորիս-Սիսիան, Գորիս-Կապան ճանապարհահատվածներում և Թումանյանի տարածաշրջանի ճանապարհներին մերկասառույց է:

Ավտոճանապարհներին շուրջօրյա հսկողություն են իրականացնում սպասարկող ճանապարհաշինական ընկերությունները: Կատարվում են ճանապարհների մաքրման և աղով, ավազով մշակման աշխատանքներ:

Միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։

ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն