Ըստ պաշտոնական թվերի՝ Հայաստանում մշտական բնակվում է 2 մլն 986 հազար 500 մարդ

Հայաստանում մշտական բնակվում է 2 մլն 986 հազար 500 մարդ: Նախորդ տարվա համեմատ՝ բնակչության թվաքանակը նվազել է 12 հազար 100 մարդով կամ 0.4 տոկոսով: Այս մասին այսօր լրագրողների հետ զրույցում հայտարարեց Հայաստանի ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանը: 

Նրա խոսքով՝ 2016 թվականին գրանցվել է 40 638 ծնունդ, ինչը նախորդ տարվա համեմատ 2,7 տոկոսով  նվազել է: Աղջիկ-տղա հարաբերակցությունը կազմել է 112 տղա՝ 100 աղջկա հաշվով: Անցած տարում գրանցվել է մեռելածնության 688 դեպք: Նախորդ տարվա համեմատ՝ այս ցուցանիշը 14 տոկոսով նվազել է: 

2016 թվականին արձանագրվել է մահվան 28 129  դեպք, ինչը նախորդ տարվա համեմատ՝ աճել է: Բանախոսի խոսքով՝ Երևանում, Կոտայքի, Շիրակի, Արարատի մարզերում գրանցվել է ծնելիության բարձր ցուցանիշ, իսկ Սյունիքի մարզում՝ ամենացածրը: 

Կարինե Կույումջյանը նշեց, որ 2016 թվականին ընդհանուր ուղևորաշրջանառությունը կազմել է 5 մլն 782 հազար. «Անցած տարի Հայաստան է եկել 769 հազար 19 մարդ, Հայաստանից դուրս է եկել 820 հազար 398 մարդ»: 

Հայաստանում անցած տարի արձանագրվել 16 294 ամուսնություն, իսկ ամուսնալուծության՝ 3 648 դեպք: Նախորդ տարվա համեմատ՝ ամուսնալուծությունների թիվը նվազել է 0,6 տոկոսով: