Տրոլեյբուսի վթարից գլխուղեղի ցնցում ստացած քաղաքացին դեռ հիվանդանոցում է (տեսանյութ)

Այսօր`փետրվարի 1-ին, Բաղրամյան պողոտայում տեղի ունեղած վթարի հետևանքով «Արմենիա» ԲԿ տեղափոխված անձանց վիճակը կայուն է: Այս մասին մեզ հետ զրույցում հայտնեց Արմենիա ԲԿ-ի բժիշկ-նյարդավիրաբույժ Արդեն Բեյբությանը:

Հիշեցնենք, որ ժամը 10։35-ի սահմաններում Բաղրամյան պողոտայի թիվ 58 շենքի դիմաց բախվել են թիվ 9 երթուղին սպասարկող տրոլեյբուսը և 259 երթուղին սպասարկող ավտոբուսը:

Բժիշկը նշեց, որ շտապ օգնության կողմից իրենց մոտ են տեղափոխվել 2 հիվանդ, որոնց մոտ ախտորոշվել է գլխուղեղի ցնցում: Նրանցից մեկը հրաժարվել է առաջարկված հոսպիտալիզացիայից, իսկ մյուսը շարունակում է գտնվել բժշկական կենտրոնում:

Մանրամասները տեսանյութում.