Մերկացած դերասանուհին չի՞ կարող ընտրություն վերահսկել (տեսանյութ)

Այսօր Ազգային ժողովում լրագրողները հարց ուղղեցին ՀՅԴ պատգամավոր Հայկ Բաբուխանյանին՝ հարցնելով՝ ինչո՞վ էր պայմանավորված դերասանուհի Արսինե Խանջյանի շուրջ բարձրացված աղմուկը, որն առավել տարածում ստացավ հենց պատգամավորի նախաձեռնությամբ:

Հարցին՝ արդյոք դերասանուհին իրավունք չունի՞ մերկ նկարահանվելու, պարոն Բաբուխանյանը պաստասխանեց. «Ես այդ հարցին չեմ պատասխանի, ես որևէ մեկի հետ որևէ խնդիր չունեմ»:

Դիտարկմանը, որ Արսինե Խանջյանը և սփյուռքից այլ հայտնի աստղեր պատրաստվում են դիտորդական առաքելություն իրականանցնել, Հայկ Բաբուխանյանը պատասխանեց. «Թե ով կիրականացնի դիտորդական առաքելություն՝ Պողոսը, թե Պետրոսը, որոշում է դիտորդական կազմակերպությունների խորհուրդը: Իսկ արդյոք Արսինե Խանջյանը կարո՞ղ է մասնակցել ընտրությունների որպես դիտորդ՝ որոշում է այդ խորհուրդը»,-ասաց պատգամավորը՝ շեշտելով, որ Արսինե Խանջյանին չի ճանաչում: 

Առավել մանրամասն՝ տեսանյութում.

Աղավնի Սուքիասյան

Նարեկ Ավանեսյան