«Շիրակ»-ի 22 ֆուտբոլիստ մեկնել է Թուրքիա

Փետրվարի 9-ից մեկնարկում է «Շիրակ»-ի արտասահմանյան հավաքը՝ թուրքական Բելեկ քաղաքում։ Թիմը կհանգրվանի «Լիմակ Ատլանտիս» հյուրանոցում։ Երկուշաբաթյա հավաքի ընթացքում մարզչական շտաբը կփորձարկի մի շարք ֆուտբոլիստների։

Գյումրեցիները կանցկացնեն չորս ընկերական հանդիպում և փետրվարի 23-ին կվերադառնան Հայաստան։ Այս մասին տեղեկացնում է ակումբի կայքը:

Վարդան Բիչախչյանի գլխավորությամբ Բելեկ են մեկնել հետևյալ ֆուտբոլիստները՝

Դարպասապահներ՝ Անատոլի Այվազով, Վսևոլոդ Երմակով:

Պաշտպաններ՝ Արման Հովհաննիսյան, Ռոբերտ Դարբինյան, Արտյոմ Միքայելյան, Մարկո Պրլյևիչ, Գևորգ Հովհաննիսյան, Աղվան Դավոյան, Մհեր Սաֆարյան, Արման Թադևոսյան:

Կիսապաշտպաններ՝ Ղուկաս Պողոսյան, Ռումյան Հովսեփյան, Առլեն Ծատուրյան, Մուհամեդ Կաբա, Սոլոմոն Ուդո, Մուհամեդ Սիլա, Ումարու Կաինա:

Հարձակվողներ՝ Վահան Բիչախչյան, Մուսա Բակայոկո, Կիրիան Նվաբուեզե, Արամ Մուրադյան, Վիուլեն Այվազյան:

«Շիրակ»-ը հավաքի ընթացքում կանցկացնի չորս ընկերական հանդիպում։

Առաջին հանդիպումը կկայանա փետրվարի 11-ին։ «Շիրակ»-ը ուժերը կչափի Ուզբեկստանի Ֆերգանա քաղաքը ներկայացնող «Նեֆտիչ»-ի թիմի հետ։

Մեր թիմի հաջորդ մրցակիցը կլինի Ուկրաինական «Ալեքսանդրիա» թիմը։ Հանդիպումը կկայանա փետրվարի 15-ին։

Երեք օր անց, փետրվարի 18-ին, գյումրեցիները կմրցեն Թուրքմենստանի «Ալտենասեր» թիմի հետ։

Եվ, հավաքի վերջին հանդիպումը կկայանա փետրվարի 21-ին, որի ժամանակ «Շիրակ»-ի հակառակորդն է լինելու Ղազախստանը ներկայացնող «Ակտոբե» ակումբը։