Նալբանդյանը հայտարարեց, որ չեն հայտարարելու իրենց անելիքների մասին
Արտաքին Քաղաքական
Ազգային ժողովի հերթական քառօրյայի ընթացքում կառավարության հետ հարց ու պատասխանի ժամանակ «Ժառանգություն» խմբակցության պատգամավոր Ռուբիկ Հակոբյանը հարց բարձրացրեց բլոգեր Ալեքսանդր Լապշինի շուրջ ծավալվող գործընթացների և նրա արտահանձնման հետ կապված:
Պատգամավորը ԱԳ նախարար Էդվարդ Նալբանդյանից հետաքրքրվեց, թե ԱԳՆ-ն ինչ միջոցառումներ ու ինչ ծրագրեր ունի այս գործին պատասխան տալու հետ կապված:
Նալբանդյանը պատգամավորին ասաց, որ իր մամուլի խոսնակի միջոցով հարցի հետ կապված մեկնաբանություն արդեն տվել են, մի քանի օր առաջ էլ ինքն այս գործարքը խայտառակություն է որակել և նկատել, որ այս խայտառակությունը վնաս է հասցնելու հենց գործարքի մասնակիցներին՝ վարկանիշի առումով:
«Միանգամայն հասկանալի է հասարակության վրդովմունքը, միջազգային կառույցների, լրատվամիջոցների արձագանքը՝ համահունչ է»:
Իսկ թե ինչ քայլեր պետք է անի հայկական կողմը, Նալբանդյանն ասաց, որ այս ուղղությամբ գործողություններ արվել են, արվում են և պետք է արվեն. «...բայց չեմ կարծում, որ այդ գործողությունների մասին մենք պետք է հայտարարենք, թե ինչպես ենք անում, ինչ ենք անում, և ինչ ենք անելու»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
