Ֆլետչեր ավարտած դիվանագետների ներդրումը՝ ՀՀ պետականության կայացման գործում

Այսօր Կարեն Դեմիրճյանի անվան մարզահամերգային համալիրում կայացավ «Օհանյան–Րաֆֆի–Օսկանյան» դաշինքի համաժողովը։

«Օհանյան-Րաֆֆի-Օսկանյան» դաշինքի համաժողովի ժամանակ «Ժառանգություն» կուսակցության փոխնախագահ Արմեն Մարտիրոսյանը ներկայացրեց վիճակագրական տվյալներ, որոնք, իր բնորոշմամբ՝ Հայաստանը տանում են աղքատության և սնանկության:

Ըստ Արմեն Մարտիրոսյանի՝ մեր պետությունն այն աստիճան վատթար վիճակում է, որ իշխանությունը տարիներ շարունակ գրպանահատում է հասարակությանը. «Աշխարհում որևէ այլ տեղ այսպես բան չկա, որ այսքան տեսանկարահանեն և այսքան տուգանեն սեփական քաղաքացիներին: Խոսքը ոչ միայն արագաչափերին է վերաբերում, այլ նաև տարատեսակ այլ տուգանքներին»: 

Արմեն Մարտիրոսյանի համոզմամբ՝ սոցիալապես ծանր կացության մեջ գտնվող մեր երկիրը կարող է ստեղծված վիճակից դուրս բերել միայն լայն համախմբումը: «Մենք հանդիպումներ ենք ունեցել այլ քաղաքական կուսակցությունների հետ, ցավում եմ, որ շատերի հետ համագործակցությունը չստացվեց»:

«Ժառանգություն» կուսակցության փոխնախագահը ևս մեկ անգամ կարևորեց Սեյրան Օհանյանի, Վարդան Օսկանյանի և Րաֆֆի Հովհաննիսյանի ներկայությունն այս դաշինքում՝ Օսկանյան-Հովհաննիսյան առաջնորդներին համարելով աշխարհի լավագույն դիվանագիտական դպրոցի՝ ֆլետչերի շրջանավարատնրեր, ովքեր անձնական մեծ ներդրում ունեն ՀՀ պետականության կայացման գործում: