«Աէրոֆլոտ Օփեն». հայ շախմատիստների արդյունքները

Մոսկվայում տեղի ունեցան «Աէրոֆլոտ Օփեն»-ի 6-րդ տուրի պարտիաները:

«Աէրոֆլոտ Օփեն»-ի «A» խմբում հանդես եկող Հայկ Մարտիրոսյանն ու Տիգրան Հարությունյանը հաղթանակներ տոնեցին, Սերգեյ Մովսեսյանն իր պարտիան ավարտեց ոչ-ոքի արդյունքով, իսկ Մանուէլ Պետրոսյանը պարտվեց:

6-րդ տուրից հետո «A» խմբի մրցաշարային աղյուսակը միանձնյա գլխավորում է Վլադիմիր Ֆեդոսեևը, ով իր ակտիվում ունի 5 միավոր:
Սերգեյ Մովսեսյանը վաստակել է 3.5 միավոր, Հայկ Մարտիրոսյանն իր ակտիվում ունի 2.5 միավոր, իսկ Տիգրան Հարությունյանը և Մանուէլ Պետրոսյանը վաստակել են 2-ական միավոր:

«B» խմբում Արամ Հակոբյանը 6 հնարավորից վաստակել է 4.5 միավոր և կիսում է 2-րդ հորիզոնականը:

«C» խմբում Վահե Դանիելյանը 6 հնարավորից վաստակել է 4 միավոր, իսկ մրցաշարային աղյուսակը գլխավորում է Գերման Բազեևը, ով 6 հնարավորից վաստակել է նույնքան միավոր: