Հայրս միշտ հենվում էր երիտասարդների վրա. Տարոն Մարգարյան
Հասարակություն
Այսօր կայացավ ՀՀԿ «Անդրանիկ Մարգարյան» քաղաքական դպրոցի առաջին հոսքի վկայագրերի հանձնման արարողությունը։ Միջոցառմանը ներկա էին Երևանի քաղաքապետ Տարոն Մարգարյանը, ՀՀԿ փոխնախագահ Արմեն Աշոտյանը, ՀՀԿ երիտասարդական կազմակերպության նախագահ Կարեն Ավագյանը: Շրջանավարտներին իրենց խոսքն ուղղելու էին եկել նաև պատգամավորներ Խոսրով Հարությունյանն, անկուսակցական Կարեն Բեքարյանը և այլք:
Դպրոցի շրջանավարտներ՝ երիտասարդ հանրապետականներն իրենց ելույթներում առանձնակի շեշտադրումներով հնչեցնում էին քառամսյա ուսուցման ընթացքում իրենց սերտած գաղափարները՝ երդվելով դրանք ծառայեցնել ի շահ հայրենիքի:
Լրագրողների հետ զրույցում Տարոն Մարգարյանը նշեց, որ իր զգացողությունները շատ բուռն են, քանի որ ականատես է լինում, թե Անդրանիկ Մարգարյան անունն ինչպես են վառ պահում քաղաքական դաշտում. «Այս դպրոցը հնարավորություն է տալիս կայանալ քաղաքական դաշտում ոչ միայն «Հանրապետական» կուսակցությանն, այլ նաև այլ կուսակցություններին և անկուսակցականներին` նրանց հնարավորություն տալով ընդգրկվել քաղաքականության մեջ: Հայրս միշտ հենվում էր երիտասարդների վրա և բոլորին հնարավորություն էր տալիս կայանալ, քանի որ ապագան հենց երիտասարդներինն է»:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
