Անջելինա Ջոլին նկարահանվել է Guerlain-ի կարճամետրաժ ֆիլմում (տեսանյութ)

Հոլիվուդյան դերասանուհի Անջելինա Ջոլին նկարահանվել է կարճամետրաժ ֆիլմում, որը նվիրված է Guerlain-ի նոր բույրին: Հոլովակը հրապարակված է YouTube-ում:

Ջոլին նոր բույրի դեմքն է դարձել 2017 թվականի հունվարի վերջին: Համագործակցությունից ստացված միջոցները դերասանուհին կհատկացնի բարեգործությանը:

Guerlain-ը պարֆյումերիայի՝ աշխարհում ամենահին տներից մեկն է, որը հիմնադրվել է 1828 թվականին Պիեռ Ֆրանսուա Պասկալ Գեռլենի կողմից: Guerlain-ի՝ կանանց համար նախատեսված առաջին բույրը կոչվել է Esprit de Fleurs, որը Պասկալ Գեռլենը 1829 թվականին ստեղծել է իր կնոջ համար: Տղամարդկանց համար առաջին բույրը դարձել է Imperiale օդեկոլոնը, որը 19-րդ դարում ստեղծվել է հատուկ Ֆրանսիայի Նապոլեոն Երրորդ կայսրի համար:

Անջելինա Ջոլին ամերիկացի դերասանուհի է, կինոռեժիսոր եւ սցենարիստ, ֆոտոմոդել, ՄԱԿ-ի բարի կամքի դեսպան: Նա «Օսկար» մրցանակի, «Ոսկե գլոբուս» երեք մրցանակների, ԱՄՆ-ի կինոդերասանների գիլդիայի երկու մրցանակների դափնեկիր է: Հռչակ է ստացել «Լարա Քրոֆթ. Դամբարանների կողոպտիչը» ֆիլմում Լարա Կրոֆթի դերակատարումից հետո: 2009, 2011 եւ 2013 թվականներին Forbes հանդեսը նրան ճանաչել է Հուլիվուդի ամենաբարձր վարձատրվող դերասանուհին: