Քաղաքական պայքարին մասնակցող ֆավորիտներն արդեն նշմարվում են. սոցիոլոգիական հարցում (ինֆոգրաֆիկա)

Վանիկ Բաղդասարյանը Ֆեյսբուքյան իր էջում գրել է.

«Ինչպես հայտնի է, քաղաքական պայքարին մասնակցելու են 9 քաղաքական միավորումներ, որոնցից ֆավորիտները արդեն իսկ նշմարվել են:

Այս կապակցությամբ սոցիոլոգիական հարցում է անցկացվել հեղինակավոր սոցիոլոգիական կենտրոններից մեկի կողմից, որը միտված է ստուգելու հասարակական տրամադրությունները՝ կապված առաջիկա խորհրդարանական ընտրություների, դրանց մասնակցող քաղաքական ուժերի և անհատ գործիչների վերաբերյալ:

Ներկայացնենք սոցհարցման մի քանի արդյունքներ:

Մասնավորապես, «Խորհրդարանական ընտրություններին ո՞ր կուսակցությանը կամ դաշինքին կքվեարկեք» հարցին հարցվածների գերակշիռ մասը՝ 47.5 տոկոսը նախապատվությունը տվել է «Ծառուկյան» դաշինքին:

Հասկանալի է, որ «Ծառուկյան» դաշինքի բարձր ռեյտինգն ու հանրության վստահությունը անմիջականորեն պայմանավորված է դաշինքի առաջնորդ Գագիկ Ծառուկյան անձի գործոնով, սակայն չենք կարող չնշել նաև, որ այդ վստահությունն ու հարգանքը ծնվել է հենց Ծառուկյանի՝ տարիների ընթացքում ծավալած գործունեության արդյունքում:

«Այնուամենայնիվ եթե գնայիք ապագահի ընտրությանը, ապա ո՞ւմ օգտին կքվեարկեիք» հարցին հարվածների գերակշիռ մասը՝ 38.5 տոկոսը պատասխանել է, որ կքվեարկեր Գագիկ Ծառուկյանի օգտին:

Սոցիոլոգիական կազմակերպության հարցման շրջանակներում ուշագրավ է հատկապես տնտեսության զարգացման թեմատիկան, որը ճշգրիտ կերպով արտացոլում է հանրային կարծքիը և սպասելիքները: «Նշեք 3 քաղաքական գործչի, ով ավելի մեծ ներդրում ունի տնտեսական զարգացման մեջ» հարցին ի պատասխան՝ հարցվածների 36.7 տոկոսը, որն ի դեպ ամենաբարձր ցուցանիշն է եղել, պատասխանել է «Գագիկ Ծառուկյանը»:

Թերևս ոլորտից անտեղյակները ևս կփաստեն, որ հայտնի քաղաքական գործիչներից միակը, որն ահռելի ներդրումներ է կատարել հայրենի տնտեսության տարբեր ոլորտներում՝ Գագիկ Ծառուկյանն է:

Ազգային արտադրանք, ներդրումներ, արտահանում, սրանք այն հիմնական նախապայմաններն են, որոնք թույլ են տալիս ապահովել տնտեսական զարգացում: Հենց այս նախապայմաններն են մշտապես եղել Գագիկ Ծառուկյանի գործունեության առաջնահերթությունները և այս առումով Ծառուկյանը չունի հավասարը:

Հանրության գնահատականներն արդեն իսկ առիթ են տալիս պնդելու, որ «Ծառուկյան» դաշինքը, այս ընտրությունների ժամանակ ունի բոլոր անհրաժեշտ նախադրյալները խորհրդարանում մեծամասնություն կազմելու համար, իսկ նմանօրինակակ օբյեկտիվ հարցման արդյունքներն էլ գալիս են փաստելու վերոնշյալը:

Հ.Գ. Ստորև ներկայացնում ենք հարցվածների սեռտարիքային բաշխվածությունը և հարցման գրաֆիկական պատկերը»: