«Շիրակը» պայմանագրեր է կնքել յոթ ֆուտբոլիստի հետ

Տրանսֆերային պատուհանի վերջին օրը «Շիրակը» պայմանագրեր կնքեց մի շարք նորեկների հետ։ Այս մասին տեղեկացնում է ակումբի կայքը:

Երկու տարվա պայմանագրեր են կնքվել 21-ամյա ռուս դարպասապահ Վսևոլոդ Երմակովի և 25-ամյա ամերիկացի հարձակվող Կիրիան Նվաբուեզեի հետ։

Մեկամյա պայմանագիր է կնքվել 21-ամյա Կամերունցի կիսապաշտպան Ումարու Կաինայի հետ։

2,5 տարվա պայմանգիր է ստորագրվել 21-ամյա իվուարցի հարձակվող Բակայոկո Մուսայի հետ։

1,5 տարվա պայմանագիր է ստորագրվել ուկրաինացի 23-ամյա պաշտպան Սեմյոն Դացենկոյի հետ։

Վեցամսյա պայմանագրեր են ստորագրվել 27-ամյա սերբ կիսապաշտպան Միլուտին Իվանովիչի և 23-ամյա գանացի հարձակվող Սաֆիու Աբդուլ Ֆատաուի հետ։ Վերջինս «Շիրակում» հանդես կգա վարձավճարով։ Ֆատաուն Գանայի «Ինտեր Ալլիանս» ակումբից է։