«Աէրոֆլոտ Օփեն». հայ շախմատիստենրի արդյունքները

Մոսկվայում կայացան «Աէրոֆլոտ Օփեն»-ի նախավերջին' 8-րդ տուրի պարտիաները:

«Աէրոֆլոտ Օփեն»-ի «A» խմբում հանդես եկող Տիգրան Հարությունյանն ու Հայկ Մարտիրոսյանը մրցում էին միմյանց դեմ: Պարտիան ավարտվեց Հարությունյանի հաղթանակով: Մանուէլ Պետրոսյանն իր պարտիան ավարտել է ոչ-ոքի արդյունքով, իսկ Սերգեյ Մովսեսյանը՝ պարտվել: Վերջին տուրից առաջ «A» խմբի մրցաշարային աղյուսակը շարունակում է միանձնյա գլխավորել Վլադիմիր Ֆեդոսեևը, ով վաստակել է 6.5 միավոր: Նիկիտա Վիտյուգովն ու Եվգենի Նայերը առաջատարից հետ են մնում կեսական միավորով:

Սերգեյ Մովսեսյանը վաստակել է 4 միավոր, Մանուէլ Պետրոսյանը և Տիգրան Հարությունյանն իրենց ակտիվում ունեն 3.5-ական միավոր, իսկ Հայկ Մարտիրոսյանը վաստակել է 2.5 միավոր:

«B» խմբում աղյուսակը գլխավորում են 6 միավոր վաստակած 5 շախմատիստ, իսկ Արամ Հակոբյանն ու Տիգրան Քոթանջյանը առաջատարներից հետ են մնում կեսական միավորով:

«C» խմբում Արթուր Ղարագյոզյանը 8 հնարավորից վաստակել է 5 միավոր, իսկ մրցաշարային աղյուսակը գլխավորում է Գերման Բազեևը, ով 8 հնարավորից վաստակել է 7 միավոր: