«Ներքաղաքական իրավիճակի լարման որոշակի պոտենցիալ կա». Նիկոլ Փաշինյան
Քաղաքական
«Այս պահին Հայաստանի ներքաղաքական իրավիճակում լարվածության որոշակի պոտենցիալ կա:Լարվածությունը կապված է «Հանրապետական» կուսակցության ներքին խմբավորումների միջև նկատվող տարաձայնությունների և քաղաքացիների՝ հաշվառման հասցեները զանգվածաբար փոխելու հետ»,- ԼՈւՐԵՐ.com-ի թղթակցի տեղեկացմամբ` այս մասին ասաց ԱԺ պատգամավոր Նիկոլ Փաշինյանն, ով Էդմոն Մարուքյանի, Արամ Սարգսյանի և ԵԼՔ դաշինքի համակիրների հետ եկել էր Մյասնիկյանի արձանի մոտ՝ հարգանքի տուրք մատուցելու Մարտի 1-ի զոհերի հիշատակին:
Փաշինյանի կարծիքով՝ բախումները դուրս են եկել ներքին տրամաբանությունից. «Նշանակություն չունի, որ լարվածությունը «Հանրապետական» կուսակցության ներսում է: Այդ պրոցեսները կարող են անդրադառնալ ամբողջ քաղաքական վիճակի վրա»:
Փաշինյանը շեշտեց, որ հետևելու են պրոցեսին. «Եթե տեսնենք, որ դա սպառնալիք է իրական արդյունքների համար, արդեն կարող ենք դրանից հետևություններ անել»:
Աժ պատգամավորը գտնում է, որ բոլորի խնդիրը մեկն է. «Պետք է պայմաններ ստեղծենք ժողովրդի ազատ կամարտահայտման համար: Հայաստանի ժողովուրդն իր իրավունքների, իր իշխանության համար պայքարելու կամք ունի»:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
