«Փաստ». Սերժ Սարգսյանից մի շտապօգնության մեքենա՝ Մարտուն Գրիգորյանի ընտրարշավին
Հայկական Մամուլ
«Փաստ» օրաթերթը գրում է.
«Նախկին ԲՀԿ–ական, այժմ Գյումրուց ՀՀԿ ռեյտինգային ընտրակարգով առաջադրված Մարտուն Գրիգորյանի ընտրարշավին աջակցում է անձամբ Սերժ Սարգսյանը: Այլ հարց է՝ այդ հանգամանքը որքանով է անհավասար պայմաններ ստեղծում մյուս թեկնածուների համար:
Օրերս Մարտուն Գրիգորյանն այցելել է Ախուրյանի գյուղերից մեկը, որտեղ նրան ասել են, որ գյուղին շտապօգնության մեքենա է պետք: Վերջինս խոստացել է հարցը լուծել նախագահի միջոցով: «Հաշվետու հանդիպումների ժամանակ, երբ շրջել եմ գյուղերով, Ախուրյան համայնքում եմ եղել, ներկայացրին, որ շտապօգնության մեկ մեքենա ունեն, ջարդված, խայտառակ վիճակում գտնվող: Ներկայացրել եմ նախագահին էդ խնդիրը, նախագահը խոստացել է մի քանի օրից շտապօգնութան մեքենայի հարցը լուծել Ախուրյան համայնքի համար»,– «Փաստի» հետ զրույցում ասաց Մարտուն Գրիգորյանը:
Հստակեցմանը, թե նախագահը իրեն շտապօգնության մեքենա՞ է տալու, Գրիգորյանն այսպես պատասխանեց. «Այո, Ախուրյանի բնակիչներին, ինձ չէ: Ու էլի լավ բաներ կան, որ կամաց–կամաց կասեմ»»:
Շարունակությունը' «Փաստ» օրաթերթի այսօրվա համարում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
