Մենք հասանք իրական դաշնակցային հարաբերությունների. Սերժ Սարգսյանը՝ Պուտինին
Արտաքին Քաղաքական
Հայաստանի և Ռուսաստանի համագործակցությունն ու փոխգործակցությունը շարունակաբար հարստացվում է, ավելանում են նոր հարցեր:
Նման հայտարարությամբ ՌԴ Նախագահ Վլադիմիր Պուտինի հետ հանդիպման ժամանակ հանդես եկավ ՀՀ Նախագահ Սերժ Սարգսյանը' շնորհակալություն հայտնելով պաշտոնական այցով Մոսկվա այցելելու հրավերի համար:
«Մենք անցկացնում ենք բարձր մակարդակի պարբերական հանդիպումներ, որոնք թույլ են տալիս ամփոփել կոնկրետ ժամանակահատվածում իրականացված գործողությունների արդյունքները և բնականաբար ուրվագծել համագործակցության հիմնական ուղղությունները մոտակա ժամանակահատվածում և ապագայի համար»,- շեշտեց ՀՀ Նախագահը: Հանրապետության ղեկավարը հիշեցրեց, որ այս տարին հոբելյանական է երկկողմ հարաբերությունների համար' նշվում է դիվանագիտական հարաբերությունների հաստատման 25-ամյակը:
«Այս տարիները սերտ համագործակցության տարիներ էին, և մենք հասանք իրական դաշնակցային հարաբերությունների: Նման հարաբերությունների բնույթն էլ հենց օրակարգ է թելադրում»,- ընդգծեց Սերժ Սարգսյանը' վստահություն հայտնելով, որ այսօրվա հանդիպումը կլինի բովանդակային և կանցնի փոխադարձ վստահության մթնոլորտում:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
