Կալանավորներին խոստացել են

Հայաստանի Հելսինկյան կոմիտեի նախագահ Ավետիք Իշխանյանն այսօր հրավիրված մամուլի ասուլիսի ժամանակ ապրիլի 2-ին կայացած խորհրդարանական ընտրությունները որակեց ժողովրդական բոլոր ինստիտուտների այլասերման հաղթանակ: Վերջինս իր խոսքում նշեց, որ ընտրություն կոչվածը Հայաստանում տարեցտարի վարկաբերկվում է և վարկաբեկվու են նաև դիտորդական խմբերը: «Եղել են բազմաիվ դիտորդական խմբեր, որոնք աշխատել են տարբեր կուսակցությունների և դաշինքների համար: սա արդեն նորություն էր, երբ դիտորդական առաքելությունն է ապականվում»: 

Նույն կոմիտեի դիտորդը նշեց, որ մարդիկ ունենալով իրենց ձայնը իշխանությանը չտալու հնարավորություն, միևնույնն է՝ իրենց ձայնը տվեցին ՀՀԿ-ին, որից դժգոհում են: Ընտրախախտումներն անցել են ոսկերչական հմտություններով և դա է պատճառը, որ միջազզգային դիտորդների համար իդեալական ընտրություններ էին»:

Խոսելով քրեակատարողական հիմնարկներում ընտրական պրոցեսի մասին՝ Ավետիք Իշխանյանը նշեց. «Կալանավայրերում գտնվող մարդիկ սպասում էին վաղաժամկետ ազատմանը և նրանց խոստացել են, որ եթե ընտրեն ՀՀԿ-ին, ազատվելու են բանտից, սրան ավելանում է նաև քրեական հեղինակությունների կողմից իրականացվող աշխատանքները, որոնք բանտից շատ լավ համագործակցում են իշխանականների հետ»:

Ամփոփելով քննարկումը՝ Ավետիք Իշխանյանը հավելեց, որ ստեղծված իրավիճակը գալիս է փաստելու մեկ բան. կրթական համակարգն անկում է ապրում և նման պատկեր չունենալու համար՝ պետք է ընդամենը մարդու կրթական մակարդակը բարձրացնել և հասարակությանը դուրս բերել ստրուկի կարգավիճակից:

Աղավնի Սուքիասյան