Ծանրամարտի Եվրոպայի առաջնություն. Իզաբելլա Յայլյանի արդյունքը

Խորվաթիայի Սպլիտ քաղաքում մեկնարկեց ծանրամարտի Եվրոպայի առաջնությունը:

Հայաստանը ներկայացնող մարզիկներից առաջինը պայքարի դուրս եկավ 58 կգ քաշային Իզաբելլա Յայլյանը:

Յայլյանը պոկում վարժությունում երեք անգամ մոտեցավ 87 կիլոգրամ ծանրաձողին, սակայն մոտեցումներն անհաջող եղան:

Հրում վարժության առաջին մոտեցմամբ Հայաստանի ներկայացուցիչը բարձրացրեց 101 կիլոգրամանոց ծանրաձողը, իսկ երկրորդ մոտեցմամբ՝ 106 կգ ծանրաձողը: Հայուհին հրաժարվեց երրորդ մոտեցումից: