«Յունայթեդ»-ի 11 մետրանոցը արդարացի էր, բայց շատ բարդ է դրա հետ համակերպվելը. Կուման

«Էվերթոն»-ի գլխավոր մարզիչ Ռոնալդ Կումանը մեկնաբանել է Անգլիայի առաջնության 31-րդ տուրում «Մանչեսթեր Յունայթեդ»-ի հետ 1:1 հաշվով ավարտած հանդիպումը:

Մանկունիացներին պարտությունից փրկեց Զլատան Իբրահիմովիչը` խաղավարտին դիպուկ իրացնելով նշանակված 11 մետրանոցը:

«Խաղից առաջ ես կհամաձայնեի ոչ-ոքիի հետ: Բայց հաշվի առնելով խաղի ընթացքը, արդյունքից գոհ չեմ: Բարդ խաղ էր, մենք  1:0 հաշվի ժամանակ լավ  վերահսկում էինք խաղը, բայց երկրորդ գոլը խփել չհաջողվեց: Ցավալի է: 11 մետրանոցը արդարացի էր, բայց շատ բարդ է դրա հետ համակերպվելը: «Մանչեսթեր Յունայթեդ»-ը հարձակվում էր և ռիսկի էր դիմում, այնպես որ՝ մենք պետք է վերջակետ դնեինք խաղին: Գիտենք, որ մոտ ենք լավագույն քառյակին, չնայած որ՝ չունենք այնպիսի կազմ, ինչպիսին ունեն «Յունայթեդ»-ն ու «Չելսին»,-Կումանի խոսքը մեջբերում է BBC Sport-ը: