Պատանի սուսերամարտիկների արդյունքները՝ աշխարհի առաջնությունում

Բուլղարիայի Պլովդիվ քաղաքում ապրիլի 1-4-ը կայացավ սուսերամարտի պատանիների աշխարհի առաջնությունը: Հայաստանը ներկայացրին Արմեն Դալլաքյանն ու Անահիտ Ալոյանը (երկուսն էլ՝ ճկասուսեր):

Հայաստանի սուսերամարտի ֆեդերացիայի գլխավոր քարտուղար Արտաշես Մադոյանը ՀԱՕԿ լրատվականին տեղեկացրեց, որ Արմեն Դալլաքյանը նախնական փուլում 4 հաղթանակ տարավ եւ անցավ հաջորդ փուլ, որտեղ առավելության հասավ հունգարացու նկատմամբ, ապա պարտվեց ֆիլիպինցի մարզիկից եւ դուրս մնաց հետագա պայքարից: Դալլաքյանը 127 մարզիկի մեջ զբաղեցրեց 41-րդ հորիզոնականը:

Անահիտ Ալոյանը նույնպես հաղթահարեց նախնական փուլը՝ ունենալով 2 հաղթանակ: Սակայն, երկրորդ փուլում նա պարտվեց առաջին մրցակցից' ռումինացի մարզիկից: Ալոյանը 98 մասնակիցների մեջ 69-րդն էր:

Այսօր Բուլղարիայի նույն քաղաքում մեկնարկեց երիտասարդների աշխարհի առաջնությունը: Հայաստանն ունի 4 ներկայացուցիչ: