ԴՆԹ-ի հաշվառումը՝ ոստիկանության իրավունք (տեսանյութ)

Կառավարության այսօրվա նիստի ընթացքում ՀՀ ոստիկանապետ Վլադիմիր Գասպարյանը Կառավարությանը ներկայացրեց օրենքի նախագիծ, ըստ որի, առաջարկվում է «Ոստիկանության մասին» Հայաստանի Հանրապետության 2001 թվականի ՀՕ-177 օրենքի 20-րդ հոդվածի 1-ին մասը լրացնել: Ըստ այդ լրացումների՝ առաջարկվում է ծանր և առանձնապես ծանր, ինչպես նաև սեռական ազատության և անձեռնմխելիության դեմ ուղղված հանցագործությունների բացահայտման նպատակով իրականացնել կենսաբանական ծագման նմուշներում հայտնաբերված և նույնականացված ԴՆԹ բնութագրերի հաշվառումներ:

Հաշվառման ենթակա են հանցագործության դեպքի վայրից վերցված քրեական գործով չպարզված անձանց և մեղադրյալից Հայաստանի Հանրապետության քրեական դատավարության օրենսգրքով սահմանված կարգով վերցված նմուշներից դատագենետիկական փորձաքննությունների արդյունքում հայտնաբերված ԴՆԹ բնութագրերը, սահմանված կարգով ոստիկանությանը տրամադրել և այն դա ամրագրել որպես ոստիկանության իրավունք:  

Առավել մանրամասն՝ տեսանյութում.