«Բարսելոնա»-ի ռեկորդային եկամուտը (տեսանյութ)

«Բարսելոնա»-ի ներկայացուցիչ Ժոզեպ Վիվեսը ներկայացրել է կատալոնյան թիմի ֆինանսական հաշվետվությունը 2016/17 ֆինանսական տարվա համար:

Նախորդ մրցաշրջանում «կապտանռնագույնների» եկամուտը հատել է ռեկորդային՝ 708 մլն եվրոյի սահմանագիծը, որից 18 միլիոնը մաքուր շահույթն է: Այս մասին տեղեկացնում է Mundo Deportivo-ն:

Ֆուտբոլիստների աշխատավարձը կազմել է եկամուտի 66%-ը:

Ըստ ռազմավարական պլանի՝ 2021թ.-ին ակումբի եկամուտը պետք է հասնի 1 մլրդ եվրոյի:

Հիշեցնենք, որ նախորդ շաբաթ Forbes-ը հրապարակել էր ամենաթանկարժեք ակումբների անունները: «Բարսելոնա»-ն 4-րդ տեղում էր, որին պարբերականը գնահատել է 3,64 մլրդ եվրո:

Կատալոնացիները զիջում են միայն «Դալաս Կովբոյս»-ին (ամերիկյան ֆուտբոլ), «Նյու Յորք Յանկիզ»-ին (բեյսբոլ) և «Մանչեսթեր Յունայթեդ»-ին (ֆուտբոլ):