Պարտությունից հետո արդարացում չի լինում. Աբրահամ Խաշմանյան

«Ալաշկերտ»-ի գլխավոր մարզիչ Աբրահամ Խաշմանյանը Չեմպիոնների լիգայի որակավորման երկրորդ փուլի պատասխան խաղում  ԲԱՏԷ-ի դեմ խաղից հետո լրագրողների հետ հանդիպմանն ասաց.

«Պարտությունից հետո արդարացում չի լինում: Նման խաղերում մեկ սխալը ճակատագրական է լինում: Մենք թույլ տվեցինք այդ սխալները: Չէի ասի, որ մենք այսօր վատ ֆուտբոլ խաղացինք: Իր առավելագույնն արեց թիմը: Մրցակիցը բավականին փորձառու թիմ է: Մեն ունեինք պահեր, որոնք չօգտագործեցինք: 1:1 հաշվի ժամանակ մենք չկարողացանք խաղը մեր ձեռքում պահել: Մեր դարպասին եղել է միայն երեք հարված, երեքն էլ գոլի են վերածվել»:

Խոսելով դարպասապահ Արսեն Բեգլարյանի մասին, Խաշմանյանը փաստեց, որ ինքը գոհ է նրա խաղից:

«Մենք կփոխեինք ամեն ինչ, եթե պահպանեինք 1:0 հաշիվը: Ես էլ, ֆուտբոլիստներն էլ կարծում էինք, որ հնարավորությունները 50/50 էր»,-եզրափակեց Խաշմանյանը:

Խաշմանյանն իր առանձնահատուկ շնորհակալությունը հայտնեց երկրպագուներին՝ աջակցության համար:

Հիշեցնենք, որ Չեմպիոնների լիգայի որակավորման երկրորդ փուլում հյուրընկալելով բելառուսական ԲԱՏԷ-ին՝ Երևանի թիմը պարտվեց1։3 հաշվով։