Ախր ո՞նց հավատամ Ձեզ, պարոն վարչապետ. Արշակ Զաքարյանը անհետաձգելի խնդիր է մատնանշել

ԱԽՐ Ո՞ՆՑ ՀԱՎԱՏԱՄ ՁԵԶ ՊԱՐՈՆ ՎԱՐՉԱՊԵՏ, ԵՍ ՉԵՄ ԴՈՒՔ ԷԻՔ ԿՀԱՎԱՏԱՅԻ՞Ք...

Օրերս կարդացի որ այսուհետ տուգանվելու են այն քաղաքացիները, ովքեր գետնին կնետեն սիգարետի մնացորդը, կամ որևէ աղբ: Անկեղծ շատ ուրախացա, ես կողմ եմ, որ երկիրս աղտոտող ու անփույթ ու լկտիաբար վերաբերվող ցանկացած անձ պատժվի:

Շատ եմ սպասել, որ մեքենայից աղբ նետողները խոշոր տուգանքների ենթարկվեն, դա միակ տուգանքն է որին ես ոտքով, ձեռքով համաձայն եմ, ՍԱԿԱՅՆ... Քանի՞ սիգարետի կոթ կարող է տանել ասենք մեկ Կամազը կամ Զիլը:

Բազմիցս ահազանգել ենք և Արաբկիրի թաղապետարան, և Բնապահպանության նախարարություն և Քաղաքապետարան, որ Հրազդանի կիրճում` Կորեայի ձոր կոչված հրաշագեղ տարածքում, ամեն Աստծո օր անօրինական կամազներով և տարբեր բեռնատար մեքենաներով, հարյուր հազարավոր տոննաներ աղբ են թափում, որը ցերեկով թքած ունենալով վերը նշված բոլոր ինստանցիաների վրա, ձեր ընդունած բոլոր օրենքների վրա, ըստ այդմ, և ձեր վրա, հըլը մենք հեչ ասել Սեյրան Սարոյանը մենք ըտու սովոր մարդ, բա դու՞ք:

Եթե մի սիգարետ գցողը տուգանվում է 16000 դրամ ապա մեկ կամազի թափած բեռը մոտավորապես11 միլիոն սիգարետի կոթի, եթե ոչ ավել չափերի աղբ է բազմապատկեք, տեսեք ի՞նչ տուգանք եք տալիս այդ կարգազանցներին:

Թե՞ ձեռք եք առնում, կամ, ժողովրդի ասած, շուլուխ էիք անում, եթե սիգարետի կոթ է` տուգանում եք իսկ եթե այն աղբի տոպրակի մեջ է, աղբի հետ միասին, ապա տուգանք չկա: Հեգնանքս պատճառ ունի, երեք տարի է այս հարցը բարձրացնում ենք թաղապետեր են փոխվել ու վարչապետեր, բայց խնդիրը լուծում չի ստացել: Այցելեք ինքներդ կտեսնեք քանի միլլիարդ տոննա աղբ է թափվել այս հրաշք վայրում ու ինչպես է մեր սիրելի Հրազդաին կիրճը վերածվել զզվելի աղբանոցի:

Չինաստանում կգնդակահարեին երկրին նման վնաս պատճառողներին, քաղաքակիրթ երկրներում ցմահ կբանտարկեին: Թափված աղբը լիքն է ավտո յուղերով, բատարեներով, շիֆեռներով, բոլորն էլ կարսինոգեն` քաղցկեղ առաջացնող նյութերով լի, անձրևները այդ աղբանոցը լվանում տանում են Հրազդան գետը, այ գետով ջրվում են մեր հիմնական այգիները, մի խոսքով սա ողբերգություն է և դուք` պարոն վարչապետ, ձեր կառավարությունով հանդերձ ակամայից մասնակից եք այդ հանցագործության: Օրը ցերեկով հարյուրավոր մեքենաներ, կրկնում եմ, այնպես չի, որ այն ծածուկ է արվում: Եթե ես մի քար ավել դնեմ հիմա իմ ցանկապատին Կարո Արեյանը անձամբ 5 րոպեից կլինի իմ դռանը կանգնած տուգանք նշանակելու, իսկ նման նույն աղբը թափողների լեզվով ասած «ափաշքարա» «բեսպրիդելը» աչքաթող է արվում: Ես մի քանի անգամ «սամասուդ» եմ ստիպված եղել անել աղբ թափողներին բայց ես հո պարտակա՞ն չեմ պահակություն անեմ, մանավանդ որ շաբաթվա մեծ մասը տանը չեմ:

Սա համարեք պաշտոնական հայց, այս հարցը լուծե'ք խնդրում եմ, թե չէ ծիծաղելի է դառնում ձեր կողմից ընդունվող այդ «մաքուր երկիր» օրենքները, ես չէ դուք, ինձ կհավատայի՞ք եթե նման ձև իմ ասածները չհամընկներ իմ արածների հետ: Շատ եմ ուզում հավատալ, որ իրոք մտահոգ եք մեր երկրի մաքրությամբ, բայց փաստերը ուրիշ բան են ասում!!! Նորմալ երկրում աշխատանքից կազատվեին բոլոր պատասխանատուները իսկ մեղավորները կբանտարկվեին!!!