Բացատրություն չունեմ. Զիդան

Իսպանիայի առաջնության 18-րդ տուրում «Սելտա»-ի դեմ խաղը 2:2 հաշվով ավարտելուց հետո «Ռեալ»-ի գլխավոր մարզիչ Զինեդին Զիդանը խոսել է հանդիպման մասին:

«Շատ հաճախ էինք սխալվում: Մի քանի անգամ կորցրինք գնդակը, ինչը սովորաբար տեղի չի ունենում և դա կատարվեց կարևոր պահերին:

Պետք է խուսափենք նման սխալներից: Պետք է լուծեմ այս խնդիրը. ես եմ դրա համար պատասխանատու:  Ֆիզիկապես մեզ մոտ ամեն ինչ կարգին է: Բայց խնդիրը դրանում չէ: Օրինակ՝ երկրորդ գոլը բաց թողեցինք սխալների շարքից հետո: Մրցակիցը ոգևորվեց, իսկ մենք՝ հակառակը:

Բացատրություն չունեմ, կփորձենք կայունություն ձեռք բերել:

Պերեսը հանդերձարան էր եկել  թիմին ոգևորելու համար, ոչինչ ավելին»,-Զիդանի խոսքը մեջբերում է Football Espana-ն: