Վահե Ավետյանին նվիրված հոգեհանգստի արարողություն Թեհրանում

Այսօր հրապարակում է տեղ գտել «Հայելի» իրանահայ հասարակական կայքէջում, որտեղ նշվում է, որ հուլիսի 6-ին Թեհրանի Սուրբ Սարգիս եկեղեցում տեղի կունենա Վահե Ավետյանի հոգեհանգստի արարողություն.

«Ուրբաթ, յուլիսի 6-ին, Թեհրանի Սբ. Սարգիս եկեղեցում տեղի է ունենալու Հայաստանի Հանրապետութեան զինւած ուժերի մայոր Վահէ Աւետեանի հոգեհանգստեան արարողութիւնը:

Այն տեղի կունենայ ժամը 11.30-ին:

Վահէ Աւետեանը մահացել է յունիսի 29-ին, Երևանում, մօտ երկու շաբաթ գիտակցութեան չգալով, այն բանից յետոյ, երբ յունիսի 17-ին, Ազգային Ժողովի պատգամաւոր, Հայաստանի Ֆուտբոլի Ֆեդերացիայի նախագահ, «Նեմեց Ռուբօ» մականունով յայտնի Ռուբեն Հայրապետեանին պատկանող «Հարսնաքար» ռեստորանային համալիրում անվտանգութեան աշխատակիցները ծեծի էին ենթարկել նրան ու գործընկերներին:

Այդ դէպքի առիթով Հայաստանում սկսւել էր հասարակական դժգոհութիւն ու բողոքի ցոյցեր, տեղի է ունեցել մոմավառութիւն, Վահէի յուաղարկավորութեանը մասնակցել են մեծ թւով անձիք:

Սփիւռքահայերը ևս բողոքի ցոյցեր ու մոմավառութիւն են անցկացրել Լոս Անջելեսի ու Բեռլինի հայաստանեան ներկայացուցչութիւնների առջև:

Հայաստանում տեղի ունեցող նման դէպքերը ուղղակի կապ ունեն ու վերաբերում են իւրաքանչիւր հայի՝ անկախ բնակութեան վայրից: Հոգեհանգստեան արարողութեանը մասնակցելով՝ մասնակցում ենք Վահէի հետ կատարւածի դէմ բողոքին յանուն Հայաստանում արդարութեան ու օրէնքի իշխանութեան։»