Դիլիջանի Թախտա թաղամաս տանող ճանապարհը կհիմնանորոգվի

Կառավարության որոշմամբ` Դիլիջան համայնքի ֆոնդային բյուջե մուտքագրված 40 մլն 326.1 հազար դրամ ֆինանսական միջոցները կուղղվեն  Թախտա թաղամաս տանող ճանապարհի  հիմնանորոգման աշխատանքների իրականացմանը:

Դիլիջան համայնքի Թախտա թաղամաս տանող ճանապարհը երկար տարիներ հիմնանորոգման չի ենթարկվել, ինչը դժվարություններ է առաջացնում փողոցային անվտանգ երթևեկության առումով։ Ծրագրի իրականացումը հնարավորություն կընձեռի Թախտա թաղամաս տանող ճանապարհը հիմնանորոգել՝ այն  համապատասխանեցնելով ժամանակի պահանջներին և չափորոշիչներին։