Կառավարությունն արտոնություն տրամադրեց ներդրումային նոր ծրագրերի

Կառավարությունը արտոնություն տրամադրեց «Նանման» և «Պրոֆ ԱԼ» ընկերություններին: Մասնավորապես, կառավարությունը բավարարեց այդ ընկերությունների ներկայացրած հայտերը՝ գերակա ոլորտում իրականացվող ներդրումային ծրագրի շրջանակում ներմուծված տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատման արտոնությունից օգտվելու համար:

«Նանման»-ը ներմուծվող ապրանքներն օգտագործելու է ջինսե հագուստի արտադրության մեջ: Ներդրումային ծրագիրը իրականացվելու է Կոտայքի մարզի Ձորաղբյուր գյուղում՝ 110 մլն դրամի ներդրումներով: Արդյունքում՝ կստեղծվի 3 նոր աշխատատեղ՝ 78 000 դրամ միջին աշխատավարձով։ Ծրագրով նախատեսված արտադրանքի ընդհանուր ծավալը կկազմի 150 մլն 470 հազար դրամ։

«Պրոֆ ԱԼ» ընկերությունը ներմուծվող ապրանքներն օգտագործվելու է ալյումինե դռների, պատուհանների և կոնստրուկցիաների արտադրության մեջ (ք. Երևան)։ Ծրագրի շրջանակում նախատեսվում է իրականացնել 1 մլրդ դրամի ներդրում՝ ստեղծելով 50 նոր աշխատատեղ՝ 280 հազար դրամ միջին աշխատավարձով։ Ծրագրով նախատեսված արտադրանքի ընդհանուր ծավալը կազմում է 20 մլն մլրդ դրամ։