«Դատարանը կեղծիքի է գնացել». Վերաքննիչում մեկնարկել է Վահագն Հարությունյանի խափանման միջոցի բողոքի քննությունը․ Armtimes.com

ՀՀ վերաքննիչ քրեական դատարանում՝  դատավոր Մհեր Արղամանյանի նախագահությամբ, այսօր մեկնարկել է Մարտի 1-ի գործով քննչական խմբի նախին ղեկավար, սույն գոծով որպես մեղադրյալ Վահագն Հարությունյանի բողոքի քննությունը:

Վահագն Հարությունյանին կրկին կալանավորելու որոշում էր կայացվել 2018 թվականի դեկտեմբերի 30-ին. նախաքննական մարմինը նրան երկու նոր հոդվածներով մեղադրանք առաջադրելուց հետո միջնորդություն էր ներկայացրել դատարան Վահագն Հարությունյանին կալանավորելու վերաբերյալ, որը բավարարվել էր: Նրա պաշտպան Միհրան Պողոսյանի պնդմամբ՝ դատավոր Արտուշ Գաբրիելյանը առանց պաշտպանական կողմի նիստ էր արել եւ պատշաճ չէր ծանուցել պաշտպանական կողմին: Ինչից հետո պաշտպանը վերաքննիչ բողոք էր ներկայացրել:

Armtimes.com-ի զրույցում Միհրան Պողոսյանն ասաց, որ գրեթե ավարտել է վերաքննիչ բողոքի ներկայացումը: Բողոքում պաշտպանը անդրադարձել է պաշտպանական իրավունքի իրացման խախտումներին: Նա  հայտարարեց, որ դատարանի կողմից նախկինում  կատարված ապօրինությունները քողարկելու համար նոր կեղծիք է կատարվել:

«Առաջին ատյանի դատարանը կեղծիքի է գնացել. Վերաքննիչ դատարանում ծանոթացա, որ, իբր առկա է հեռախոսագիր, իբր ինձ հետ կապվելու եւ իմ կողմից հեռախոսին չպատասխանելու հետ կապված... մի կողմ թողնենք այն, որ եթե նույնիսկ չեմ պատասխանել, իրավական առումով դա որեւէ նշանակություն չունի, այսինքն, չի համարվում պատշաճ ծանուցում, սակայն դատարանը նաեւ այդ կեղծիքին էր գնացել ու այդ առումով մենք պարտադիր իմ վստահորդի հետ քննարկելուց հետո գործողություններ ենք իրականացնելու, ընդհուպ մինչեւ պաշտոնական կեղծիք կատարելու հանցակազմի առկայության հիմքով հաղորդում ներկայացնենք Հատուկ քննչական ծառայությանը, որպեսզի պարզվի, թե այդ՝ իրականությանը չհամապատասխանող, կեղծ փաստաթուղթն ով է դրել քրեական գործի մեջ»,- ասաց Պողոսյանը: Վերջինս նշեց, որ առաջին ատյանի դատարանի որոշումից հետո դատարանում ծանոթացել է գործի նյութերին եւ արձանագրել, որ գործում չկա այն հեռախոսագիրը, որը հայտնվել է Վերաքննիչ դատարանում առկա գործի նյութերում:

Նյութն ամբողջությամբ՝ սկզբնաղբյուր կայքում։