Հայաստանը՝ կապույտ ցանցում. Ֆեյսբուքը 15 տարեկան է

Ֆեյսբուք (անգլ.՝ Facebook), սոցիալական ցանց։ Ստեղծվել է 2004 թ. Մարկ Ցուկերբերգի կողմից։ Համահիմնադիրներն են Էդուարդո Սավերինը, Քրիս Հյուջսը և Դասթին Մոսկովիցը։ Սկզբնապես նախատեսված եղել է միայն Հարվարդի համալսարանի ուսանողների համար, այժմ էլեկտրոնային փոստի հասցե ունեցող ցանկացած անձ կարող է գրանցվել և օգտվել Ֆեյսբուքից։

2007 թ. կեսերին սկսեցին կիրառվել ֆրանսերեն, իսպաներեն, և գերմաներեն տարբերակները՝ խթանելու համար ցանցի տարածումը այլ երկրներում, քանի որ այդ ժամանակ ցանցը հիմնականում տարածված էր միայն Միացյալ Նահանգներում, Մեծ Բրիտանիայում և Կանադայում։ 2012 թ. հոկտոմբերի տվյալներով Ֆեյսբուքն ուներ 1 միլիարդից ավել ակտիվ օգտատեր Կայքը թարգմանված է ավելի քան 70 լեզվով, այդ թվում՝ հայերեն։

ԼՈՒՐԵՐ․com-ն իր ընթերցողներին խորհուրդ է տալիս դիտել Ֆեյսբուք սոցիալական ցանցի ստեղծման մասին պատմող ֆիլմը՝ The Social Network, որը դիտելով շատ ավելի լավ պատկերացում  կարող եք կազմել մեր կյանքի արդեն իսկ անբաժան ընկեր հանդիսացող սոցիալական կայքի մասին։

Ֆեյսբուքի հայաստանյան օգտատերերի քանակը  2017 թվականի հունվարին կազմում էր շուրջ 1 միլիոն։ Ընդհանուր առմամբ, Facebook-ի լսարանի մեծ մասը երիտասարդությունն է։ Այսպես՝ 13-34 տարեկանների բաժինը կազմում է 72 տոկոս, այսինքն՝ 720 000։

Ըստ Facebook-ի գովազդային պլատֆորմի տվյալների՝ Հայաստանից օգտատերերի բաժանորդագրությունների քանակի (լայքերի) ամենամեծ լսարաններն ունեն լրատվականները։ Ըստ alexa.com կայքի դասակարգման՝ Facebook-ն ամենահաճախ այցելվող կայքն է Հայաստանում։