Ալեն Սիմոնյանը՝ ԱԺ-ում «Իմ քայլի» փակ նիստեր անցկացնելու մասին
Քաղաքական
Ես կարծում եմ՝ եթե հանրապետականները ցանկանան ԱԺ-ում քննարկում անցկացնել, ԱԺ ղեկավարությունը դահլիճը կտրամադրի իրենց: Այս մասին այսօր՝ փետրվարի 5-ին, լրագրողների հետ ճեպազրույցում, ասաց ԱԺ փոխնախագահ Ալեն Սիմոնյանը՝ անդրադառնալով ՀՀԿ-ի քննադատություններին՝ կապված ԱԺ-ում անցկացված «Իմ քայլի» փակ նիստերի հետ:
Հարցին, թե նորմա՞լ է, որ կուսակցություններն ԱԺ-ում փակ հանդիպումներ անցկացնեն, Սիմոնյանը պատասխանեց.
«Ես համարում եմ, որ որևիցե կուսակցություն եթե դիմի Ազգային ժողովին, ԱԺ-ն պարտավոր է տրամադրել դահլիճը, որովհետև այդ դահլիճը չի պատկանում մեկ, երկու, կամ երրորդ կուսակցության: Այդ դահլիճը Հայաստանի Հանրապետությանն է: Այնպես որ, Հանրապետականը կամ որևէ մեկ այլ կուսակցություն եթե դահլիճի խնդիր ունի, եթե դիմի Ազգային ժողովին, կարծում եմ՝ ԱԺ-ն չի մերժի դահլիճ տրամադրելու հետ կապված խնդրանքը»,-ասաց Ալեն Սիմոնյանը:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
