Ավինյանի կադրը՝ Ինեսսա Գաբայանը, պաշտոնանկ է արվել
Քաղաքական
ՀՀ վարչապետ Նիկոլ Փաշինյանը որոշում է ստորագրել՝ Ինեսսա Գաբայանին ջրային կոմիտեի նախագահի պաշտոնից ազատելու մասին․ «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Ինեսսա Գաբայանին ազատել ջրային կոմիտեի նախագահի պաշտոնից», - ասված է վարչապետի որոշման մեջ:
Նշենք, որ Գաբայանն այս պաշտոնին էր նշանակվել հուլիսի 10-ին Փաշինյանի որոշմամբ։ Նա «Հիդրոէներգետիկա» ՍՊԸ-ի սեփականատեր Գրիգոր Գաբայանի դուստրն է ու այդ ընկերության տնօրենը։ Իսկ ընկերությունը զբաղվում է փոքր ՀԷԿ-երի նախագծմամբ և այդ ոլորտում խորհրդատվության տրամադրմամբ։
Հիշեցնենք` Գաբայանը Ջրային կոմիտեի նախագահի պաշտոնը զբաղեցրեց նախկին նախագահ Արսեն Հարությունյանի հրաժարականից հետո, ըստ մամուլում տարածված լուրերի՝ փոխվարչապետ Տիգրան Ավինյանի ջանքերի շնորհիվ։
Նկատենք, որ Ավինյանը նոր իշխանությունում կարողացել է այնպիսի դեր ստանձնել, որ, այսպես ասած, կադրային քաղաքականությունը իրականացնում է հենց նա և նրա կադրային բանկից է նաև Ինեսա Գաբայանը։
Թեև վերջինիս նշանակելիս խոսում էին նրա մասնագիտական բարձր որակների մասին, սակայն հետաքրքրական է, թե ի՞նչ է փոխվել, որ հիմա էլ որոշում կայացվեց պաշտոնանկ անել։
Սոնա Հարությունյան
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
