Գիտական հենք․ այրումը տաքացումով փոխարինելը բերում է վնասի նվազեցման. Коммерсанть

Այլ 8 Փետրվար, 2019 13:15

«Առանց կրակի ծուխ չի լինում. նորարարությունները ծխախոտային ոլորտում՝ ինչպես է դա արվում». այսպես է կոչվում ռուսական հանրահայտ Կոմերսանտ պարբերականի գիտական հավելվածում տեղգտած հոդվածը, որում հեղինակ Ռոման Ռոժկովն անդրադառնում է IQOS նորարարական արտադրանքին, բացատրում այրման և տաքացման տեխնոլոգիայի տարբերությունը։

Ի՞նչ հենքով են Ֆիլիպ Մորրիսում համոզված, որ այրումը տաքացումով փոխարինելն իջեցնում է հիվանդությունների ռիսկը և օրգանիզմի համար շատ ավելի քիչ վնասակար է: Պատասխանը թաքնված է ընկերության կողմից տարիներ շարունակ իրականացված ուսումնասիրություններում:

Ծխախոտային արդյունաբերության համար ռիսկերի նվազեցումը հաստատող ապացուցողական հիմքը շքեղություն չէ, այլ իրական անհրաժեշտություն: Սա հասկանալի է. Եթե անկեղծ լինենք, ծխախոտ արտադրողներին ավանդաբար չեն վստահում, ուստի Ֆիլիպ Մորրիսը իր գործունեության մեջ չի կարող հույսը չդնել ֆունդամենտալ հետազոտությունների վրա: Բացի այդ, կարգավորող օրգանների կողմից էլ առկա են բազմաթիվ պահանջներ ծխախոտային ոլորտի նկատմամբ:

Արտադրողը գումար չի խնայում հետազոտություններ անցկացնելու համար. 2008 թվականից ի վեր Ֆիլիպ Մորրիսը ներդրել է մոտավորապես 5 մլրդ դոլար ցածր ռիսկով ծխախոտային արտադրանքի մշակման, շուկայավարման ու առևտրայնացման վրա: Սա հնարավորություն է տալիս ընկերությանը զբաղեցնել 58-րդ տեղը Եվրամիության 100 խոշորագույն արտոնագրատերերի ցուցակում և լինել այս ցուցակում միակ ծխախոտ արտադրող ընկերությունը:

Ֆիլիպ Մորրիսում նորարարական արտադրանքը ստուգում են լաբորատ պայմաններում աճացրած բրոնխների ու թոքերի հյուսվածքների վրա։

Ֆիլիպ Մորրիսում աշխատող հարյուրավոր գիտնականների թվում կան նաև ռուսներ, մասնավորապես, Նիկոլայ Իվանովը, որը Շվեյցարիայում Ֆիլիպ Մորրիսի գիտահետազոտական կենտրոնում զբաղեցնում է կենսաբանական ցուցիչների ու կենսասենսորների գծով տնօրենի պատասխանատու պաշտոնը: Նիկոլայի բաժնում ուսումնասիրում են ծխախոտաբույսի գենոմը և արհեստական՝ լաբորատ պայմաններում աճացրած բրոնխների ու թոքերի հյուսվածքները, որոնց վրա էլ Ֆիլիպ Մորրիսը ստուգում է իր արտադրանքը: 2014 թ.-ին Նիկոլայ Իվանովը ավարտել է ծխախոտաբույսի գենոմի վերծանման աշխատանքը. Նիկոլայն ու նրա գործընկերները աշխատանքի վրա ծախսել են ինը տարի: «Մենք դա անում ենք ավելի լավ հասկանալու համար այն արտադրանքը, որ վաճառումենք», - ասում է գիտնականը:

Ֆիլիպ Մորրիսի գիտական գնահատման ծրագիրը հիմնված է քիմիայի, կենսաբանության, ինֆորմատիկայի և բժշկության բնագավառներում առկա փորձի վրա, իսկ աշխատանքի մեթոդները հիմնված են դեղագործական արդյունաբերության գործելակերպի վրա և համապատասխանում են ԱՄՆ Սննդամթերքի ու դեղորայքի վարչության (US FDA) կողմից 2012 թվականին հրապարակած ուղեցույցներին:

Ֆիլիպ Մորրիսը գաղտնի չի պահում իր հետազոտությունների արդյունքները. բոլորարդյունքներն ու դրանց հիման վրա գրված աշխատանքները հրատարակվում են համացանցում հատուկ ստեղծված հարթակներում, ինչպիսիք են, օրինակ, PMIScience.com կամ Sbvimprover.com կայքերը: Վերջինս նաև համակարգային կենսաբանության բնագավառում հետազոտությունների շրջանակներում ձեռքբերված մեթոդների ու տվյալների անկախ ու անհատականստուգման համար crowdsourcing հարթակ է: Ֆիլիպ Մորրիսի հետազոտությունների արդյունքները հրապարակվում են աշխարհի տարբեր երկրների հավատարմագրված գիտական ամսագրերում: Ընկերության բոլոր կլինիկական փորձերը գրանցվածեն ClinicalTrials.gov հարթակում:

Անկախ փորձագետները կարող են բաց քննարկել այն ամենը, ինչ տեղի է ունենում Ֆիլիպ Մորրիսի գիտական հարթակում, ինչպես նաև իրականացնել սեփական, անկախ հետազոտություններ:

Տես նաև՝ Կոմմերսանտ Մաս առաջին

Կոմմերսանտ Մաս երկրորդ

IQOS-ի աշխատանքի սկզբունքը․ Բացահայտումներ Коммерсанть-ի լրագրողական խմբից