Բնապահպանությանն ուղղված հերթական սպառնալիքը

«ԷՅ ՅՈՒ ԳՐՈՒՊ» ՍՊԸ-ն առաջիկայում նախատեսում է Տավուշի մարզի Վազաշենի ոսկի-բազմամետաղային հանքերևակման տեղամասերում ոսկի, արծաթ, պղինձ, ցինկ և կապար որոնել ու հաշվարկել դրանց պաշարները: Ինչպես նաև ՍՊԸ-ն նախատեսվում է ռադիոակտիվ տարրերի զանգվածային որոնում, որտեղից էլ առաջանում է ողջ խնդիրը:

Գաղտնիք չէ, որ ռադիոակտիվ տարրերի զանգվածային որոնումը բնապահպանական մի շարք խնդիրների առաջ է կանգնեցնում: Նման փորձ արվել է նաև տարիներ առաջ, ինչը բնակիչների մոտ զայրույթ էր առաջացրել, մարդիկ սկսեցին ստորագրահավաք կազմակերպել և փողոցներ փակել: Հավաքվել թր շուրջ 11.000 ստորագրություն, մեծ աղմուկ բարձրացրին նաև բնապահպանները, սակայն որոնումը կազմակերպող ընկերությունը մեծ վնասներ հասցրեց անտառներին: 

Բնապահպան Ինգա Զարաֆյանը ԼՈՒՐԵՐ.com-ի հետ զրույցում մանրամասնեց, որ ցանկացած արդյունաբերական գործունեություն վնասակար է բնության համար, իսկ այն գործարարները, որոնք, վնասելով անտառները հանքարդյունաբերությամբ են զբաղվում, պարտավորվում են նույն տարածքի կրկնապատիկի չափով ծառեր տնկել:

«Ռիսկերը պետք է անպայման ներկայացված հայտերում առկա լինեն: Միանշանակ այն տարածքներում, որտեղ որոնումներն են անելու, պետք է մեկ այլ աշխատանքային խումբ ստեղծվի, որպեսզի վերահսկվեն ողջ գործընթացը: Նաև նշվում է, որ պետք է ռադիոակտիվ տարրեր որոնեն, նախ պետք է նշեմ, որ այդ ռադիոակտիվ հումքերը ստրատեգիկ հումքեր են, որոնց որոնման դեմ բողոքի ակցիաներ են կազմակերպվել տարիներ շարունակ»,- նշեց Ինգա Զաֆարյանը:

Բնապահպանի համար զարմանալի է, թե ինչպես է «ԷՅ ՅՈՒ ԳՐՈՒՊ» ՍՊԸ-ն պատրաստվում ոսկու հետ միասին որոնել նաև ռադիոակտիվ տարրեր պարունակող զանգվածներ.«Սա ինձ համար անհասկանալի է մնում, քանի որ սա շատ լուրջ հարց է և լուրջ հետևանքներ կարող է ունենալ»:

Նշենք, ուր «ԷՅ ՅՈՒ ԳՐՈՒՊ» ՍՊԸ-ն հիմնադրվել է Կանադայի քաղաքացիություն ունեցող Վահագն Ժայռենց Գայայանի կողմից:  Ըստ ՍՊԸ-ի հայտի՝ հանրային լսումները տեղի կունենան փետրվարի 27-ին` Տավուշի մարզի Վազաշենի համայնքապետարանում: