70 տոկոս ունեզրկման մտադրություն. լուրջ անհանգստություն բիզնես շրջանակներում
Քաղաքական«Այլընտրանքային նախագծեր» խմբից Էլինար Վարդանյանը հայտարարություն է տարածել, որում, մասնավորապես, ասվում է.
Օրեր առաջ կառավարող քաղաքական ուժը ներկայացնող պատգամավորի կողմից հնչեցվել է խոշոր գործարարների և մեծահարուստների 70 տոկոս ունեզրկման մտադրությունը։
Միտումնավոր չեմ արձագանքել անմիջապես, հույս ունենալով, որ նոր իշխանության բարձրաստիճան ղեկավարներից որևէ մեկը կհերքեր կամ կտար լրացուցիչ պարզաբանումներ իրենց պատգամավորի ասածներին։
Բայց դա չեղավ։
Իշխանությունը կամ չի պատկերացնում ասվածի վտանգավորությունը, կամ իր պատգամավորի շուրթերով հնչեցնում է իր առաջիկա ծրագրերը։
Ցանկանում եմ տեղյակ պահել, որ այս հայտարարությունը լուրջ անհանգստություն է առաջացրել բիզնես շրջանակներում և չի կարող անտեսվել կամ տրվել մոռացության։
Իմ պարտքն եմ համարում զգուշացնել.
Այս գաղափարի իրականացումը կամ իրականացման փորձերը կամայացնեն Հայաստանի տնտեսությունը։ Երկիրը կկանգնի տնտեսական կոլապսի առաջ։ Չի լինի ակտիվ գործարար միջավայր, չեն լինի ներդրումներ։
Իրավական տեսանկյունից մենք գործ կունենանք բացարձակ անօրինականության հետ և հիմքը կդնենք սեփականության վերաբաշխման ու չդադարող ստվերային գործարքների ու հետագա վենդետաների համար։
Ուզում եմ մեկ անգամ ևս շեշտել. եթե իշխանությունը չի կիսում իր պատգամավորի ասածները, ապա պարտավոր է օր առաջ պաշտոնապես հերքել։ Հակառակ պարագայում արդեն իսկ սկսված անհանգստությունները բիզնես դաշտում կվերածվեն կապիտալի արագ փախուստի երկրից։
Մեծահարուստները պետք է հայտարարագրեն իրենց ունեցվածքն ու հիմնավորեն ծագումնաբանությունը: Այս մասին 5-րդ ալիքի եթերում ասել է ԱԺ «Իմ քայլը» խմբակցության պատգամավոր Հովիկ Աղազարյանը։ Ըստ նրա, ցանկացած մեծահարուստ գործարար չի կարող հիմնավորել իր բիզնեսի 70 տոկոսի ծագումնաբանությունը, ուրեմն պետք է տա պետությանը։
Իշխանական պատգամավորի ուշագրավ տեսակետները՝ տեսանյութում։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
