Վարչապետի գլխավորած երթն ավարտվեց Մյասնիկյանի արձանի մոտ
Հայաստան
Վարչապետ Նիկոլ Փաշինյանի գլխավորությամբ 2008 թվականի մարտիմեկյան իրադարձությունների կապակցությամբ Երևանում անցկացվել է երթ, որին մասնակցել են մասնակցել են նաև վարչապետի տիկին Աննա Հակոբյանը և նրա դուստրերը, Ազգային ժողովի նախագահ Արարատ Միրզոյանն ու նրա տիկինը, Երևանի քաղաքապետ Հայկ Մարությանը, պատգամավոր, կառավարության անդամներ, բազմաթիվ քաղաքացիներ: Երթը մեկնարկեց Երևանի Ազատության հրապարակից, անցնելով Մաշտոցի պողոտայով, Գրիգոր Լուսավորիչ փողոցով և ավարտվեց Մյասնիկյանի արձանի մոտ:
Վարչապետ Փաշինյանը ծաղկեպսակ դրեց Մյասնիկյանի արձանին և հարգանքի տուրք մատուցեց բոլոր զոհերի հիշատակին:
Ավելի վաղ վարչապետ Նիկոլ Փաշինյանը մարտիմեկյան իր ուղերձում անդրադարձել էր քայլերթի նշանակությանը՝ նշելով. «Մենք այս քայլերթով մեր հարգանքի տուրքը կմատուցենք Մարտի 1-ի, քաղաքական բոլոր սպանությունների զոհերին և մեր վճռական ոչը կասենք բռնություններին, անարդարությանը, ապօրինություններին, կոռուպցիային, ընտրակեղծիքներին, իրավունքների ոտնահարմանը»:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
