Ոստիկանությունը բացահայտել է Քանաքեռում տեղի ունեցած դանակահարության դեպքը
ՏեսանյութերՀայաստանի Հանրապետության ոստիկանությունը բացահայտել է Քանաքեռում տեղի ունեցած դանակահարության դեպքը: Ինչպես հայտնեցին ՀՀ ոստիկանության լրատվության և հասարակայնության հետ կապերի վարչությունից, փետրվարի 22-ի գիշերը մարմնական տարբեր վնասվածքներով , արնաշաղախ վիճակում «Միքայելյան» հիվանդանոց է տեղափոխվել 50-ամյա մի տղամարդ: Այդ մասին ահազանգ է ստացվել ՀՀ ոստիկանության Քանաքեռ-Զեյթունի բաժնում:
Ոստիկանությունը կատարվածի հանգամանքները պարզել է՝ ժամերի ընթացքում: Կասկածյալի ինքնությունը պարզելուց հետո սկսվել են որոնողական միջոցառումները՝ զուգահեռ բացատրական աշխատանքներ իրականացնելով: Փետրվարի 23-ի գիշերը ոստիկանության Քանաքեռ-Զեյթունի բաժին է ներկայացել 33-ամյա էդուարդ Հակոբյանը: Նա խոստովանական բացատրություն է տվել: Հետագա միջոցառումներով հայտնաբերվել են հանցագործության գործիքներ դանակն ու լինգը:
Տուժողի վնասվածքների աստիճանը որոշելու նպատակով նշանակվել է դատաբժշկական փորձաքննություն: Դեպքի առթիվ նյութեր են նախապատրաստվում:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
