Գիշերային ակումբում հաճախորդը շիշը նետել է պարուհու վրա, հանել ատրճանակը (տեսանյութ)
ՏեսանյութերՓետրվարի 13-ին Ոստիկանության Գուգարքի բաժնի աշխատակիցները Լոռու մարզի Արջուտ գյուղի վարչական տարածքում գործող գիշերային ակումբներից մեկում տեղի ունեցած վիճաբանության վերաբերյալ օպերատիվ տեղեկություններ են ստացել:
Նույն օրը գիշերային ակումբի աշխատակցուհին հրավիրվել է ոստիկանություն եւ հաղորդում տվել, որ փետրվարի 12-ի գիշերը ակումբի հաճախորդներից մեկը առանձնասրահում վիճել է իր հետ, գարեջրի շիշ է նետել վրան, իսկ երբ ինքը փորձել է դուրս գալ սրահից, տղամարդն իր ուղղությամբ կրակել է:
Հաճախորդը ոստիկանությունում պարզաբանում է տվել, որ այդ օրը վիճել է պարուհու հետ, շիշ է նետել նրա ուղղությամբ, մոտն ատրճանակ եղել է, բայց չի կրակել:
Դեպքի տեսագրությունից պարզ է դարձել, որ վեճի ժամանակ ակումբի նախկին տնօրենը խլել է հաճախորդի զենքն ու խփել գետնին: Ոստիկանները ակումբում կրակոցի հետքեր չեն հայտնաբերել:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
