Տեսանյութ. Օպերայի հարակից տարածքում սրճարանների ապամոնտաժման աշխատանքները շարունակվում են (թարմացվող)

 *** 12:15

Արդեն կես ժամ է՝ ոստիկաններին չի հաջողվում ցուցարարներին հեռացնել Մաշտոցի պողոտայից: Լարված իրավիճակը շարունակվում է ցուցարարների և ոստիկանների միջև: Ցուցարարներից մեկի ինքնազգացողությունը վատացել է: Քիչ առաջ շտապօգնության մեքենա է ժամանել: 

 

***12:35

Քիչ առաջ ոստիկանները բերման ենթարկեցին մի խումբ ցուցարարների: 

 

***12:47

Լարված իրավիճակը Մաշտոցի պողոտայում շարունակվում է: Ցուցարարները նստացույց սկսեցին:

 

*** 12:55

Ցուցարարները քիչ առաջ փակեցին Թումանյան փողոցը։ Նրանք պահանջում են հանդիպում քաղաքապետ Հայկ Մարությանի հետ։ Ոստիկանները շարունակում են բերման ենթարկել ցուցարարներին:

 

***16:32 Այս պահին Օպերայի Ազատության հրապարակում շարունակվում է լարված իրավիճակը: Ցուցարարները թույլ չեն տալիս, որպեսզի տրակտորն առաջ շարժվի: Ոստիկանների և ցուցարարների միջև բախում է տեղի ունենում: Ոստիկանները փորձում են ճանապարհ բացել տրակտորի համար, որպեսզի քանդման աշխատանքները շարունակվեն:

 

***18:12 Այս պահին Օպերայի Ազատության հրապարակում շարունակվում են սրճարանների ապամոնտաժման աշխատանքները։ Այսօր վերջին սրճարանի ապամոնտաժումն են իրականացնում։

 

ՈՒղիղը՝ «Ազատություն» TV-ի։