Մեկնարկել է ԱԺ նիստը. ՈՒՂԻՂ

Այսօր՝ մարտի 27-ին, մեկնարկել է ԱԺ նիստը: Շարունակվում է Եվրասիական տնտեսական միության և դրա անդամ պետությունների մի կողմից և Իրանի Իսլամական Հանրապետության միջև մյուս կողմից ազատ առևտրի գոտու ձևավորմանն ուղղված ժամանակավոր համաձայնագիրը վավերացնելու մասին օրենքի նախագծի քննարկումը: 

Օրակարգում ընդգրկված են նաև նախորդ օրը քննարկված մի շարք նախագծերի քվեարկություններ:

Երկրորդ ընթերցմամբ քվեարկության կդրվի «Բարգավաճ Հայաստան» խմբակցության պատգամավոր Տիգրան Ուրիխանյանի առաջարկած «Կրթության մասին» Հայաստանի Հանրապետության օրենքում փոփոխություններ կատարելու մասին օրենքի նախագիծը: Օրակարգում են նաև կառավարության կողմից ներկայացրած «Պետական կենսաթոշակների մասին» Հայաստանի Հանրապետության օրենքում լրացումներ եւ փոփոխություններ կատարելու մասին օրենքի նախագծի և «Բաժնետիրական ընկերութունների մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթի քվեարկությունը:  Քվեարկության կդրվի նաև «Իմ քայլը» խմբակցության պատգամավոր Հովհաննես Հովհաննիսյանի` կուրսային, դիպլոմային  և այլ աշխատանքների վճառքի գովազդն արգելող օրենսդրական նախաձեռնությունը և մի քանի այլ նախագծեր:

Օրակարգում է նաև Հայաստանի Հանրապետության Կառավարության 2018 թվականի հունիսի 1-ի N 581-Ա որոշմամբ հավանության արժանացած` Հայաստանի Հանրապետության Կառավարության ծրագրի կատարման ընթացքի եւ արդյունքների մասին զեկույցի ներկայացումը: