Արսեն Թորոսյանն անդրադարձել է իր տեղակալի ձերբակալմանը

Առողջապահության նախարար Արսեն Թորոսյանը սոցցանցի իր էջում գրառում է կատարել․

«Այս պահին Հայաստանում չեմ և քիչ առաջ տեղեկացա, որ ԱԱԾ-ն իրականացրել է օպերատիվ հետախուզական միջոցառում, ինչից հետո բերման է ենթարկել իմ տեղակալ Արսեն Դավթյանին։ Այլ մանրամասներ այս պահին չեմ տիրապետում։ Կարծում եմ ԱԱԾ-ն պարզաբանում կտա ավելի ուշ»։

Ավելի վաղ հայտնել էինք առողջապահության փոխնախարարի ձերբակալման մասին։ Լուրեր են պտտվում, որ ձերբակալվածը Արսեն Դավթյանն է։ Նախարարը հաստատեց այս լուրը։