Հայաստանի երեք նախագահները. ով ինչքան է հիշատակվել ՀՀ ԶԼՄ-ներում. «Հրապարակ» (լուսանկար)

«Հրապարակ» օրաթերթը որոշեց պարզել, թե հայկական լրատվամիջոցները ինչքան են գրում ՀՀ նախկին նախագահների մասին։

Rumors Monitoring ավտոմատացված առցանց համակարգի տվյալների համաձայն, 2019-ի մարտի 4-ից ապրիլի 4-ն ընկած ժամանակահատվածում, ՀՀ առաջին նախագահ Լևոն Տեր-Պետրոսյանին տեղական ԶԼՄ-ներն իրենց նյութերում հիշատակել են մոտ 500 անգամ։

Լևոն Տեր-Պետրոսյանի մասին գրող ամենաակտիվ ԶԼՄ-ների շարքում են․ Hayeli.am-ը՝ մոտ 55 հիշատակում, 1in.am-ը, 7or.am-ը, Yerevan Today-ը, Slaq.am-ը՝ յուրաքանչյուրը մոտ 20 հիշատակում։

ՀՀ նախկին նախագահ Ռոբերտ Քոչարյանի մասին նույն ժամանակահատվածում հայկական լրատվամիջոցները գրել են մոտ 3500 անգամ։ Ամենաակտիվ լուսաբանող ԶԼՄ-ների շարքում են․ Hayeli.am-ը՝ մոտ 185 հիշատակում, 1in.am-ը՝ մոտ 110 հիշատակում, Yerevan Today-ը՝ մոտ 105 հիշատակում։

Մեկ ամսում ՀՀ երրորդ նախագահ Սերժ Սարգսյանը ԶԼՄ-ներում հիշատակվել է մոտ 3200 անգամ։ Ամենաակտիվ հիշատակող լրատվական միջոցների թվում են․ Hayeli.am-ը՝ մոտ 180 հիշատակում, 1in.am-ը, News.am-ը, Slaq.am-ը՝ յուրաքանչյուրը մոտ 90 հիշատակում։

 Նյութի աղբյուր՝ Hraparak.am