Նամակի նպատակը եղել է հայ հանրությանը ներկայացնել Քոչարյանի իրական կերպարը․ Վահան Շիրխանյան

«Նամակի նպատակը եղել է հայ հանրությանը ներկայացնել Քոչարյանի իրական կերպարը և թույլ չտալ, որ նա խեղաթյուրի պատմությունը։ Նա պետք է առերեսվի պատմական ճշմարտության հետ, այլ կերպ երիրտասարդները նոր երկիր կառուցել չեն կարող»,–  այս մասին այսօր ԵԿՄ համագումարի ժամանակ լրագրողների հետ զրույցոմ ասաց ՀՀ պաշտպանության նախկին փոխնախարար Վահան Շիրխանյանը՝ անդրադառնալով Ռոբերտ Քոչարյանին ուղղված բաց նամակում։

Նրա խոսքով՝ նամակի նպատակը Քոչարյանի իրական դեմքը ցույց տալն է։ Նա նշեց՝ չպետք է լինեն միտումնավոր, օբյեկտիվ կամ տկարամտության հետևանքով բաց թողնված սխալներ։ Շիրխանյանն, անդրադառնալով անցյալը փակելու կոչերին, ասաց, որ դա մանկամտություն է, և այդպես ասում են պատվեր կատարողները։