Եղանակը կցրտի

ՀՀ ԱԻՆ օդերեւութաբանական ծառայության փոխանցմամբ, Հանրապետության տարածքում այսօր՝ ապրիլի 14-ի ցերեկը, ինչպես նաեւ 16-ի գիշերը սպասվում է առանց տեղումների եղանակ:

Ապրիլի 15-ին տեղ-տեղ սպասվում է կարճատև անձրև և ամպրոպ, 16-ի ցերեկը, 17-19-ը շրջանների զգալի մասում սպասվում է անձրև և ամպրոպ։

Քամին՝ հարավ-արևմտյան՝ 3-8 մ/վ, 17-ին առանձին հատվածներում սպասվում է քամու ուժգնացում՝ 20-25 մ/վ արագությամբ:

Օդի ջերմաստիճանը 14-15-ը կբարձրանա 1-2 աստիճանով, 16-17-ի ցերեկը կնվազի 8-10 աստիճանով։

Երևան քաղաքում ապրիլի 14-ի ցերեկը, 15-ին, 16-ի գիշերը սպասվում է առանց տեղումների եղանակ, 16-ի երեկոյան ժամերին, 17-19-ը սպասվում է անձրև և ամպրոպ, 17-ին՝ նաև քամու ուժգնացում՝ 15-20 մ/վ։