Ղազախները դաժան ծեծի են ենթարկել լիբանանցիներին (տեսանյութ)

Լիբանանի պաշտպանության նախարար Իլյաս Բու-Սաաբը Ղազախստանի իր գործընկերոջ հետ հեռախոսազրույցում դատապարտել է տեղի բնակիչների հարձակումը Թենգիզ Ավանում լիբանանցի բանվորների վրա: Այս մասին հայտնում է «РИА Новости»-ն։

Նա իշխանություններից պահանջել է ապահովել լիբանանյան սփյուռքի պաշտպանությունը, ինչպես նաև միջոցներ ձեռնարկել ստեղծված իրավիճակի լուծման համար: Լիբանանի ԱԳՆ-ում հստակեցրել են, որ Ղազախստանում երկրի դեսպանատունն օգնում է ապահովել համաքաղաքացիների անվտանգությունը, ինչպես նաեւ անհրաժեշտ փաստաթղթեր է տրամադրում նրանց մեկնելու համար: Դեսպան Ժիսկար Ալ Խուրիի հայտարարության համաձայն ՝ այժմ չվերթներ են կազմակերպվում երկրից հեռանալ ցանկացողների համար:

Տեղի բնակիչների եւ օտարերկրյա աշխատողների միջեւ զանգվածային ծեծկռտուքի մասին հաղորդվել էր հունիսի 29-ին: Հակամարտության պատճառը Լիբանանի 3 GI գործարանի ավագ ադմինիստրատոր էլի Դաուդի կողմից արված լուսանկարն է: Լուսանկարում նա կատակ է արել և տեղացի մի աղջկա, որը կանգնած է եղել հետին ֆոնին, տվել է լիզել իր ռացիայի ալեհավաքը: Այն բանից հետո, երբ լուսանկարը հայտնվել է համացանցում, այնտեղ, որտեղ ապրում են օտարերկրացիները, ժամանել են ղազախստանցի բանվորներ եւ ծեծել եկվորներին: «Ակ Ժայիկ» պարբերականի տեղեկություններով ՝ գործարանի կառուցման օբյեկտներից ստիպված են եղել շտապ տարհանել բոլոր օտարերկրացիներին: