Շղթայական ավտովթար Երևանում

Ինչպես հայտնում է Shamshyan.com-ը, այսօր՝ հուլիսի 9-ին, շղթայական ավտովթար է տեղի ունեցել Երևանում։ Ժամը 09։10-ի սահմաններում Սարալանջի և Արմենակյան փողոցների խաչմերուկում Mitsubishi Pajero iO մակնիշի 35 MO 400 համարանիշի ավտոմեքենայի վարորդը բախվել է Mercedes մակնիշի 35 MU 369 համարանիշի, Land Rover մակնիշի 31 OS 781 համարանիշի, Opel մակնիշի 35 MF 732 համարանիշի, Toyota մակնիշի 51 MO 001 համարանիշի և Opel մակնիշի 35 SA 159 համարանիշի ավտոմեքենաներին։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների՝ տուժածներ չկան։ Օպերատիվորեն դեպքի վայր են ժամանել Երևանի Ճանապարհային ոստիկանության ծառայողներն ու «Ռոսգոսստրախ» և SIL INSURANCE ապահովագրական ընկերությունների ներկայացուցիչները։ Փաստի առթիվ ՃՈ 1-ին սպայական գումարտակում անվարույթ նյութեր են նախապատրաստվում։ Ոստիկանությունը պարզում է վարորդների ինքնությունը։